«نواز شریف» با رئیس جمهور تاجیکستان دیدار کرد

خبرگزاری فارس: «نواز شریف» نخست وزیر پاکستان که صبح امروز در چارچوب سفری 2 روزه وارد «دوشنبه» پایتخت تاجیکستان شده با «امامعلی رحمان» رئیس جمهور این کشور دیدار کرد. انتظار می‌رود که در پایان این مذاکرات اسنادی دوجانبه میان 2 کشور امضا شود. نخست وزیر پاکستان فردا در نشست سران و نخست وزیران کشورهای عضو «کاسا-1000» همراه با «اشرف غنی» رئیس جمهور افغانستان، «سورنبای جینبکف» نخست وزیر قرقزیستان شرکت می‌کند. همچنین روز پنجشنبه مذاکرات 3 جانبه رؤسای جمهور تاجیکستان، افغانستان و نخست وزیر پاکستان برگزار می‌شود. در چارچوب این مذاکرات مسائل گسترده روابط 3 کشور در عرصه‌های سیاسی، اقتصادی و امنیتی مورد بحث و تبادل نظر قرار می‌گیرد. تجارت و سرمایه گذاری، انرژی، زیرساخت‌های حمل و نقل و تقویت تماس‌ها میان محافل تجاری 3 کشور از مسائلی می‌باشد که در مذاکرات روز پنجشنبه از سوی سران کشورهای مذکور بررسی می‌شوند. مسائل مربوط به حمایت از دولت افغانستان در زمینه تأمین صلح و توسعه اجتماعی و اقتصادی این کشور و همچنین مبارزه مشترک با چالش‌های منطقه‌ای و بین‌المللی از دیگر محورهای گفت‌وگو در این نشست می‌باشد.