اوضاع افغانستان محور مذاکره تلفنی «غنی» و «رحمان»

خبرگزاری فارس: «امامعلی رحمان» رئیس جمهور تاجیکستان شب گذشته طی یک گفت‌وگوی تلفنی با «اشرف غنی» رئیس جمهور افغانستان وضعیت امنیتی «بدخشان» را مورد بررسی قرار داد. رحمان و غنی طی این تماس تلفنی در مورد همکاری‌های امنیتی، نظامی و فنی از جمله در بخش مبارزه علیه تروریسم، افراط‌گرایی، قاچاق مواد مخدر و تأمین امنیت در مناطق هم مرز تاجیکستان و افغانستان تبادل نظر کردند. رؤسای جمهور 2 کشور توافق کردند در امر مبارزه علیه تروریسم و افراط‌گرایی به طور مشترک اقدامات مؤثری انجام دهند. رئیس جمهور تاجیکستان در این تماس تلفنی گفت: استقرار صلح و ثبات در افغانستان عامل اصلی امنیت در کل منطقه است و «دوشنبه» برای تأمین ثبات با تمام نیرو تلاش خواهد کرد. رئیس جمهور افغانستان نیز از معالجه افسران و سربازان افغان در بیمارستان‌های مرزی تاجیکستان سپاسگزاری کرد. در پایان غنی از رئیس جمهور تاجیکستان دعوت کرد که در زمان مناسب به افغانستان سفر کند. این تماس تلفنی در حالی است که طی یک هفته اخیر طالبان چند منطقه در بدخشان افغانستان، از جمله ناحیه «زیباک» واقع در مرز تاجیکستان را تحت تصرف خود درآوردند. در این مدت 7 سرباز نیروهای دولتی افغانستان که در این درگیری‌ها زخمی شدند، برای معالجه به بیمارستان مرکزی ناحیه «اشکاشم» تاجیکستان منتقل شدند. در حال حاضر درگیری‌ها میان نیروهای دولتی افغانستان با جنگجویان گروه طالبان برای بازپسگیری زیباک به شدت ادامه دارد.