تکذیب خبری درباره جنگنده‌های روسیه
وزارت دفاع روسیه خبر حملات هوایی جنگنده‌های این کشور به شمال افغانستان را رد کرد.
خبرگزاری فارس:وزارت دفاع روسیه با انتشار بیانیه‌ای اعلام کرد جنگنده‌های این کشور طالبان را در شمال افغانستان هدف بمباران قرار نداده است.
این نهاد دفاعی روسیه تاکید کرده جنگنده‌های روسیه برای بمباران کردن نواحی همجوار تاجیکستان و افغانستان هیچ دستوری دریافت نکردند و به این مناطق برای انجام عملیاتی اعزام نشده اند.
این در حالی است که برخی رسانه‌ها اخیرا از قول مقامات افغانستان خبر دادند که جنگنده‌ها از قلمرو تاجیکستان منطقه تحت نظارت طالبان را هدف قرار دادند.
کمیته دولتی امنیت ملی تاجیکستان نیز این ادعا را رد کرد.
طالبان نیز در بیانیه‌ای دست داشتن شبه نظامیان این سازمان افراطی در حمله مسلحانه به شهروندان تاجیک در ناحیه «فرخار» استان ختلان تاجیکستان را تکذیب کرده است.
طالبان مدعی شده شبه نظامیان این گروه حق انجام عملیات در خارج از قلمرو افغانستان را ندارند و شهروندان تاجیکستان در ناحیه فرخار مورد حمله مسلحانه قاچاقچیان قرار گرفتند که به این سازمان هیچ ربطی ندارد.
بعد از ظهر روز ۲۶ آگوست یک خودرو حامل سه شهروند تاجیکستان در ناحیه «فرخار» همجوار با افغانستان مورد حمله مسلحانه قرار گرفت که در نتیجه آن دو نفر کشته و یک تن دیگر زخمی شد.
بر اساس اخبار و گزارش‌های منتشر شده اولیه، این حمله از سوی شبه نظامیان طالبان صورت گرفت که گویا به خودرو حامل شهروندان تاجیکستان از منطقه «درقد» ولایت «تخار» شلیک کردند.